Áhugamanneskja um allt sem tengist mat!

Datt á þessa uppskrift á netinu en man ómögulega hvar. Vona að viðkomandi sé sama að ég setji þetta hér inn ;) Fékk þvílíka löngun einn sunnudaginn í kanilsnúða og gerði þessa og þeir lukkuðust svona ljómandi vel! :) 500 gr Hveiti (eftir þörfum) 250 gr Sykur 200 gr Smjör eða líki 1 tsk Hjartarsalt 1 1/2 tsk Lyftiduft 2 dl Mjólk inní deigið: Mjólk Kanilsykur: 1tsk kanill og ca 1 dl sykur Þurrefnunum blandað saman á borðplötu. Smjörið bitað niður og blandað með þurrefnunum. Hola gerð í miðju deigsins og mjólkinni hellt í holuna. Deigið er þá hnoðað saman. Ef það er of blautt, blandið þá meira hveiti saman við þangað til að það loðir ekki við fingurna. Skipt í 2 helminga og flatt út. Örlítið af mjólk helt yfir útflatta deigið til að bleyta aðeins í þvi og binda kanilsykurinn. Dreifið úr mjólkinni með hreinum fingrum eða pensli. Kanilsykrinum stráð vel yfir allt deigið. Deigið er því næst rúllað upp og skorið niður í ca 2cm sneiðar og raðað á smjörpappír á bökunarplötu með ca 2 1/2 cm mill...

Ekkert panik! þetta er ekki eins flókið mál og margir telja! Mesta vandamálið er að þegar maður er búinn að læra uppskriftina að þá verður maður að stoppa sig af að elda hana ekki í öll mál! ;) 2 eggjarauður 140 gr smjör 1 msk bernaise essence (fæst í öllum búðum m.a bónus) 2 msk terragon (estragon) 1/2 kjötkraftur 2 msk steinselja smátt söxuð (ég sleppi því ef ég á það ekki til) 1. fyllið botninn af vaskinum af heitu vatni (37°). Aðskiljið eggin og setjið rauðurnar í skál ofan í vatnsbaðið(vaskinn). Þeytið þar til að eggin eru orðin "creamy og fluffy" og ljósgul. 2. Á meðan þið erum að þeyta eggin bræðið smjöri í potti. Þegar það er brætt þá hellið þið því hægt og rólega út í eggin og hrærið vel á meðan. Það er trixið að passa sig að hræra vel svo að þetta skilji sig ekki. Munið einnig að hræra í smjörinu því að mjólkin skilur sig frá smjörinu og endar á botninum í pottinum. 3. Skiljið eftir 2-3 msk af smjöri í pottinum og blandið kjötkraftinum út í og hrærið það við smjörið...

Þessa köku baka ég ansi oft þegar ég er að drepast úr súkkulaðilöngun og þarf sætindi STRAX! Það er auðvelt að gera hana og allt sem þarf í hana er oftast til inn í skáp. Þetta er hugsað sem skúffukaka en ég baka hana í venjulegu hringlaga formi og það kemur vel út. hafa bara í huga að hafa mótið nægilega djúpt. 4 1/2 dl sykur 175 g lint smjörlíki 2 egg 4 1/2 dl hveiti 1 tsk. matarsódi 1/2 tsk. lyftiduft 1 1/2 dl vatn (kalt) 3 tsk. vanillusykur 1 dl. kakó (dökkt) 1 tsk. salt 2 dl súrmjólk blandið sykri og smjörlíki saman. eggjum er svo bætt við. Eftir það fara öll þurrefnin út í. Bakað í 20-30 mín. við 200 ° Hafið í huga að ef þetta er ekki bakað í skúffu þá tekur þetta lengri tíma. Ég læt fylgja með uppskrift af kremi: 100 gr brætt smjörlíki Ca. 6 dl flórsykur >Þetta hrært vel saman. 3 1/2 msk. kakó (dökkt) 3 msk. kaffi 3 tsk. vanillusykur Þetta er sett út í smjörlíkis- og sykurblönduna og hrært meira. Verði ykkur að góðu!

Flestar uppskriftir sem ég nota eru teknar af heimasíðum hér og þar sem ég hef rekist á á netinu og oftast er allt mælt þar í bollum. Ég er frekar mikil nákvæmnismanneskja þegar það kemur að bakstri og og því var ég að verða alveg klikk á að vera að breyta endalaust yfir í dl og gr svo að ég mæli með að koma sér út um mælieiningaskeiðar sem mæla bolla. Ég fann mínar í ódýru USA búðinni sem opnaði fyrir stuttu í smáralindinni. Sé sko ekki eftir þeim kaupum! annars hef ég líka oft bara notað þennan bolla frá IKEA þar sem að þetta er nokkurn vegin 1 cup. Fyrir þá sem eru Nigellu aðdáendur að þá er hún með í línunni sinni bolla sem er nákvæmlega 1 bolli. Enjoy!

Fékk þessa geggjuðu uppskrift frá svilkonu minni. Ég er alls ekki góð að búa til brauð og í hvert sinn sem ég reyni þá endar þetta sem grjótarklumpur. En ég get lofað ykkur því að þetta klikkar ekki! ég hef gert þetta sem rúnstykki og líka sem heilt brauð. Ég gerði litlar brauðbollur úr þessu fyrir veislu um daginn og þær kláruðust um leið! þið getið sett alls konar krydd í þetta, t.d oregano (2 msk) og hvítlauk (4-5 marin rif, fer eftir smekk) en ég ætla að hafa grunnuppskriftina hér: 4 bollar hveiti 2 tsk salt 3 tsk þurrger 2 msk sykur 2 bollar ylvolgt vatn (37°c ca.) 2-3 msk ólífuolía Egg/mjólk Blandið öllum þurrefnum saman í skál og hrærið, bætið svo við vatni. Hnoðið deigið vel. Þegar deigið er orðin ágætis kúla þá gerið þið smá holu í deigið og hellið ólífuolíunni í hana og hnoðið saman við mjög, mjög vel. Setjið deigið aftur í skálina, úðið smá vatni yfir deigið og leggið rakan klút yfir skálina. Látið hefast á hlýjum stað í 45 mín. Þá er smá hveiti sett á borðplötuna og deigið ...

Þessa uppskrift rakst ég á í bókinni hollt og ódýrt og baka ég þetta oft þegar ég er að fá fólk í heimsókn. Þetta er alveg meiriháttar með Latte nammm.... 3 ½ dl sykur 5 dl hveiti ¼ tsk matarsódi ¼ tsk salt 150 gr möndlur með hýði 4 stór egg 2 msk smjör 1 tsk vanilludropar 1 stk möndludropar 1 dl hveiti til að hnoða með (Ég nota yfirleitt meira því þetta verður ansi klístrað) 1. Ristið möndlurnar á heitri pönnu og setjið þær svo til hliðar til kælingar 2. Blandið sykri, hveiti, matarsóta og salti saman í skál. Bætið eggjum, smjöri, dropum og möndlum út í og hrærið með sleif eða hrærivél þar til deig loðir vel saman (ég hræri allt varlega í hrærivél þangað til að það kemur að möndlunum, þá nota ég sleif). Best er að hræra eins lítið og hægt er. 3. Flytjið deigið á borð þakið hveiti og hnoðið 1 dl aukalega af hveiti saman við deigiðef þarf, deigið á þó að vera pínulítið klístrað. 4. Dustið hendurnar með hveiti og mótið 5 til 6 hleifa (ég geri 4) sem eru um 4x20cm að stærð og raðið þeim á...